खूप दिवसांनी, नाही वर्षांनी, रंगमंच पुनश्च जिवंत झाला. कुर्तकोटी मध्ये एक छोटेखाणी कार्यक्रम झाला. अभिवाचनाचा कार्यक्रम. मलाऐकायला आवडतं. त्यात जिव्हाळ्याच्या विषयावर वाचन होतं. 'द प्लॅन : जॅक्सन वध'. कुणाही नासिकाराला हा विषय प्रिय असणार. वाचन मस्त 'वठलं'. पारंपरिक वेषभूषेमुळे अजून भावलं. शुद्ध वाणी, आवाजातील चढउतार, प्रेग्नन्ट पॉझेस या मुळे मजा आली. वधाचाविषय ?! काय बोलावे यावर !
अभिवाचन हा शब्द अभिनय अधिक वाचन अशा दोन शब्दांपासून बनला आहे. एखादी कथा, लेख किंवा कोणत्याही प्रकारचे लिखाणवाचून दाखवताना त्याला वाचिक अभिनयाची जोड दिली की ते होते अभिवाचन. आपल्या आवाजातील अभिनयातून वाचन प्रभावी आणिउठावदार करणे हे ह्यातून अभिप्रेत आहे. तुम्हाला हातात स्क्रिप्ट घेऊन आणि एका जागी बसून किंवा उभं राहून अभिवाचन करायचे असते. अधिक परिणाम साधण्यासाठी संगीत आणि प्रकाश योजना यांची सुद्धा कधी कधी जोड देता येते. कादंबरी, कथा संग्रह व चरित्रात्मकलिखाण हे वाचनीय असतेच. शिवाय त्याच्या माध्यमातून लोकरंजन, समाजप्रबोधन व्हावे. तसे झाल्यास समाजमन घडण्यासाठीअभिवाचन हे माध्यम म्हणून उत्तम ठरते.
अभिवाचन, वाचन ही नक्कीच कला आहे. आज खऱ्या अर्थाने 'रंगमंचाने' थोडा का होईना 'श्वास ' घेतला. अनंत कान्हेरे यांना मनःपूर्वकनमस्कार अभिनव भारत या वास्तूला नमस्कार. तिळभांडेश्वराला नमस्कार.
कार्यक्रमाच्या शेवटी प्रतिथयश नाट्यकर्मी श्री मुकुंद कुलकर्णी (या कार्यक्रमाचे दिग्दर्शक) म्हणाले की 'स्वातंत्र्याच्या ७५ व्या वर्षात, नाटक किंवा अभिवाचन या माध्यमातून अनेक , ज्ञात आणि अज्ञात, स्वातंत्र्यवीरांचे आपण स्मरण करणार आहे, ७५ कार्यक्रम सादरकरणार आहे. '
या निम्मिताने महाराष्ट्रात 'जागर' होऊ घातलेला आहे. जमल्यास कार्यक्रम बघा.
Post a Comment