आनंदाचे डोही ...अ-मृत!
आज जागतिक आनंद दिन आहे. हा दिवस साजरा करण्याचं कारण म्हणजे आनंदी जीवन आणि आरोग्यसंपन्न राहण्याची प्रेरणामिळावी. ती मला एका आनंदकडून मिळाली. हा दुग्धशर्करा योग डॉ. आनंद नाडकर्णी यांच्या ' आनंदाचे डोही - मन आरोग्यावर मुक्तसंवाद' कार्यक्रमामुळे झाला.
मानसिक दृष्टीनं आनंदी राहणं ही सर्वात महत्वाची गोष्ट आहे. आणि ते कसे राहता येईल याचा दोन तास उहापोह झाला. प्रसूती तज्ज्ञडॉ चंद्रकांत संकलेचा आणि सुप्रसिद्ध गायिका सौ मंजिरी असणारे यांनी डॉक्टरांना 'बोलतं' केलं आणि मग आनंद यांनी 'आनंदाचा' धबधबा साकार केला. 'आनंद' म्हणजे नक्की काय? वेदांना काय अभिप्रेत आहे? गौतम बुद्धाचा दृष्टिकोन काय होता? ... बापरे .... काय'बाप' माणूस आहे 'हा आनंद' .... किती ते चिंतन ... मनन आणि अप्रतिम 'समजावून सांगण्याची हातोटी'. सभागृह मंत्रमुग्ध झालं होतं तरी....
कार्यक्रमाचा समारोप खालील काव्यावरील - सहा ओळीवर - निरूपणाने झाला. यात मानसशास्त्र कुठे डोकावत आहे ते पहा, ऐका.
*मोगरा फुलला, मोगरा फुलला
फुलें वेचिता बहरू कळियांसी आला
इवलेसे रोप लावियले द्वारी
तयाचा वेलु गेला गगनावेरी
मनाचिये गुंती गुंफियला शेला
बाप रखुमादेवीवरी विठ्ठले अर्पिला*
कितीही चांगलं ऐकलं तरी नव्वद टक्के गोष्टी माणूस विसरून जातो. म्हणून मी 'मन मैत्रीच्या देशात' हे डॉ आनंद नाडकर्णी यांचं 'ताजं' पुस्तक विकत घेतलं - मी आनंदी आहे की नाही हे तपासून बघण्यास.
Post a Comment