दिंडी - विठ्ठल भेटला

 *१ दिंडी - चुकली ?!*

दिवस नाट्याने सुरु झाला. आम्हांला सात वाजेपर्यंत या म्हणून सांगितलं. त्यानुसार मी आणि राम 'दिंडी विसावाच्या' ठिकाणी चारचाकीने निघालो. विसाव्याच्या ठिकाणापर्यंत जाण्याच्या मुख्य रस्त्यावरचे सगळे छोटे रस्ते बंद होते. त्यामुळं विसाव्याच्या ठिकाणीजाता आलं नाही. आम्हीं दिंडी पासून तीन किलोमीटर अंतरावर होतो. तेव्हढ्यात दिंडीचं प्रस्थान झालं. मी दिंडीशी संपर्क साधला तेंव्हासमजलं कि आमची दिंडी सातच्या ऐवजी साडे सहाला सुरु झाली. त्यामुळे दिंडी खूप पुढे आलेली आहे. आणि गोंधळाला सुरवातझाली. अथांग जनसमूह रत्यावरून वाहत होता. मी दिंडी २३४ शोधू लागलो. पण समजलं की दिंडी नंबर प्रमाणे सासवड पासून सुरु होते. मी हतबल होत चाललो होतो. दिंडी चुकणार असं वाटू लागलं. 

रामने सिच्युएशन ताब्यात घेतली. आम्हीं चौकशी करू लागलो. एक रिक्षावाला म्हणाला मी तुम्हांला दिंडीच्या पुढे सोडतो. आम्हींत्याच्यावर विश्वास ठेवला. त्याने आड रस्त्याने रिक्षा दामटली अन फुरसुंगीला आणून सोडले. समोरून दिंडी जात होती. आम्ही दिंडी'ऍडमिन' शी संपर्क साधला. तेंव्हा असं कळलं कि जी दिंडी आमच्यासमोरून ती तुकारामाची होती. आमची नोंदणी माऊलीच्या दिंडीतहोती. रिक्षावाला कदम म्हणाला साहेब मी तुम्हांला 'तेथे' सोडून देतो. आम्हीं पॅनिक मोड मध्ये होतो. परत चान्स घेतला. आता दिंडीकडूनतीन वारकरी आणि आम्हीं रिक्षातील तिघे 'गूगल' लोकेशन एक्सचेंज करत होतो. रिक्षावाला आता पेटला होता. म्हणे 'साहेब तुम्हांलादिंडीत सोडल्याशिवाय मी घरी जाणार नाही'. त्या क्षणाला तो आमचा ‘विठ्ठल' होता. आम्हांला दिंडी चुकणार असं वाटत असतांना दिंडीसापडणार असं वाटू लागलं. अथांग जनसमुदाय बाजूने वाहत होता. आम्हीं रिक्षाने त्याला पाठीमागे टाकत होतो. चार किलोमीटर पुढेगेल्यावर राम म्हणाला 'थांब इथे’.  राम ने दिंडी ऍडमिन ला फोन केला. माउली बळीराम, ऍडमिन म्हणाले 'मी येतो घ्यायला. तिथेचथांबा'.  माउली बळीराम आले आणि आम्हांस 'सामील' करून घेतले. 

*आज आम्हीं दिंडीत सामील होऊ शकलो याचं सगळं श्रेय 'रिक्षा चालक शिवाजी कदम' यांना द्यावं लागेल. अन्यथा दिंडी चुकलीअसती. पण 'तो' आहे ना ! जगात माणुसकी आहे. सकाळी सुरु झालेलं नाट्य संपले. विठू भेटला.*

आजची शिकवण - आदल्या दिवशी जेथे दिंडी मुक्काम करते तेथे सामील व्हा. शेवटच्या क्षणी 'देव परीक्षा' घेण्याची शक्यता असते. 

नंतर दिवसभर बावीस किलोमीटर चाललो. एकदम भन्नाट अनुभव. दिवे घाट ओलांडल्यावर 'जाधव वाडी' येथे मुक्काम. तंबू ठोकलेआहे.